Kinumpirma ng Department of Migrant Workers (DMW) na aabot ng 200,000 Filipino workers ang kakailanganin ng Austria simula sa susunod na taon.
Ayon sa DMW, kabilang dito ang skilled tourism at hospitality workers, gayun din ang unskilled workers na ide-deploy sa mga tourist destination sa iba’t ibang bahagi ng Austria tulad ng Tyrol, Salzburg,Upper Austria, Lower Austria, Vienna, Styria, at Carinthia.
Mangangailangan din anila ang Austria ng technicians sa sectors ng data processing, voltage building, at high-voltage/low-systems.
Malaki rin anila ang pangangailangan sa business administration,at mechanical engineering sa Upper Austria, Vienna, Styria, at Carinthia.
Habang machine fitters na may mataas na academic credentials naman aniya ang hinahanap sa Upper Austria.
Pinapayuhan naman ng DMW ang Filipino migrant workers na nais manirahan sa Austria ng mahigit kalahating taon na mag-apply para sa Red-White-Red Card.
Ang naturang programa kasi ay nag-o-offer ng residence at employment permit ng hanggang dalawang taon at maaari pa itong ma-extend.
Sakop anila rito ang skilled workers tulad ng construction, engineering, at healthcare.
