Davao City – Gibutyag ni Davao City Mayor Sara Duterte-Carpio kung kinsa lamang ang mga gitugotang mag inspection sa Safe Davao QR (DQR) gawas sa mga imontar nga scanners sa mga publiko ug pribadong opisina ug establisyemento sa syudad sa Davao.
Matud sa Alkalde nga otorisado’ng mag check sa DQR diha sa Davao checkpoints mao ang mga personahe sa Task Force Davao (TFD), Davao City Police Office (DCPO) personnel diha sa mga gimontar nga checkpoints, Barangay officials personnel in complete official uniform, ug uban pa’ng law enforcement personnel o ang AFP ug PNP units nga naga supporta sa TFD, DCPO ug sa Barangay.
Sugod sa Sabado (Nobyember 7, 2020), himuon na’ng mandatory ang paggamit sa DQR sa syudad sa tanang publiko ug pribadong opisina, establisyemento, ug organisasyon sama sa event venues, hospitals, malls, stores, groceries, mini marts, restaurants, palengke, karenderia, simbahan ug uban pa.
RadyoMaN Kirby Manzon
