Davao City – Walay nakita nga rason si Mindanao Development Authority Public Relation Division Chief Dr.Adrian Tamayo nga adaptahon sa Pilipinas ang palisiya sa China ug Malaysia kung asa ikunsiderang krimen ang bisan unsang aktibidad ug panawagan nga palagpot sa lingkuranan ang president sa nasud.
Sumala ni Tamayo, pupaigo na ang mga balaod sa Pilipinas aron gukdon ug lutuson ang mga grupo ug mga indibidwal nga magtinguha sa pagkudeta sa gobyerno diin dalan kini aron hinginlan si Pangulong Rodrigo Duterte gikan sa gahom.
Taas na matud pa ang kaagi sa Pilipinas kung ang hisgotanan mao ang demokrasya ug kagawasan itandi sa China ug Malaysia sanglit gawasnon man gani kaayo si Senador Trillanes ug ang mga kritiko sa pagyaw yaw sa ilang diskuntinto batok sa kagamhanan.
Giingon ni Dr.Tamayo, labo na ma-utro ang kudeta sa panahon ni pangulong Duterte sanglit aduna ma’y nagpaabot nga silotan ug kaso ang mupahigayon niini sama sa pagsambog sa mga grupo sa mga kritiko kansang nagtinguha aron maguba ang Duterte regime.
Hinoon, dili pabor ang kanhi professor nga bakwion pa sa gobyerno ang amnesty grant nga gihatag ngadto sa Magdalo members nga nakigkuntsaba kang Trillanes aron pahugnoon ang kagamhanan karon.
RadyoMaN Joel Viray
