Davao City – Na-autopsy na ang patayng lawas sa 12 anyos nga babae kinsa brutal nga gipatay ug nakaplagan sa irrigation canal sa Barangay Tibal-og, Sto. Tomas, Davao del Norte.
Matud ni Police Major Frederick Deles hepe sa Sto. Tomas PNP gihulat nila ang resulta sa medico legal.
“Ikuan nila kung unsay cause of death ug nahilabtan ba gyud pod ang bata, usa na sa mga ginatan-aw sa atoang mga doctor nga ga-autopsy,” sumala ni Deles.
Posibleng madugang ang kasong rape kung magula sa resulta nga positibong nahilabtan ang biktima.
Kahinumduman, kasong murder ug paglapas sa RA 9165 ang giduso batok sa suspek nga si Randy Labramonte, silingan sa biktima.
RadyoMaN Aimee Guinita
Facebook Comments
