Davao City – Ginapaabot na lamang sa pamilya ang resulta sa autopsy sa 16-anyos nga babae nga gipatay sa Koronadal.
Sa interbyu sa DXDC RMN Davao sa amahan sa biktima nga technician sa DXKR RMN Koronadal, gibutyag niini ginahulat na lamang nila ang maong report aron masayran kung unsay gihimo sa biktima ayha gihimo ang pagpatay.
Samtang padayon ang ilang koordinasyon sa kapulisan diin gi-asikaso na usab nila ang ubang dokumento aron mapahilona ang patayng lawas sa biktima.
Samtang, gitanggal na isip persons of interest ang 3 ka mga tawo nga giingong nalambigit sa pagpatay sa biktima.
Sa interbyu sa DXDC RMN Davao kang Police Major Joseph Forro, ang chief of police sa Banga MPS sa South Cotabato, gibutyag niini nga walay rason kun grounds nga makonsidera ang nahisgutan isip persons of interest.
Bisan pa man nakatabang sumala sila sa paghatag og duhang impormasyon sa nagapadayong imbestigasyon.
“So far, kadtong first nato nga gi-release nga persons of interest, they are no longer.. wala tay makita nga reason nga himuon silang responsible,” saysay ni Forro.
Una nang gikondena sa RMN Networks ang krimen ug gipanigurong makab-ot ang hustisya sa krimen.
RadyoMaN Kirby Manzon
