Ginpaidalum sa autopsy examination sang PNP crime laboratory
ang bangkay ni Samuel Aguilar sang STL Province matapos nga ini ang
napatay sa The Medical City sang Sabado sang gab-i.
Ginpahayag ni Dr. Owen Libaquen, Medico-legal Officer sang PNP
crime lab nga ginhiwat ang autopsy sa bangkay ni Aguilar sang Domingo sang
aga.
Base sa resulta sang autopsy, ginpahayag ni Dr. Libaquen nga
tatlo ka mga bala ang nagsulod sa lawas ni Aguilar nga gintunaan sang
kamatayon sini.
Suno kay Libaquen nga naghalin sa M-16 armalite rifle ang
bala nga nagsulod sa lawas ni Aguilar.
Makita man suno sa iya sa resulta sang autopsy ang trajectory
sang bala nga naghalin sa guwa kag nag-sentro gid tanan sa biktima nga
patimaan nga siya gid ang puntirya sang mga suspek.
