Davao City – Gitu-ok gamit ang pisi hangtod sa mawad-an na’g kinabuhi ang batang biktima base sa opisyal nga resulta sa awtopsiya.
Kini gibutyag ni Regional Crime Laboratory Office- XI Medico Legal Office PCI Nolan Genova atol sa interbyu sa RMN Davao.
“Iyong cause of death ay ‘asphyxia by ligature’ nawalan ng hangin parang sinakal through lubid nakagapos iyong bata,”sumala niini.
Matud ni Genova nga tungod usab kay nadugta na o duol na ma-kalabera ang cadaver dili na mahibaloan kung nalugos ba ang biktima.
Dugang niini gisulti ni Genova nga walay timailhan kung aduna bay mga fracture ang ulo sa biktima.
Samtang, nakaplagan sa apuhan sa bata alas 3 sa hapon kagahapong adlawa ang color yellow nga short pants sa bata ug gidudahan nga aduna kiniy mantsa sa dugo.
“Short to sa akong apo, sa among pagtan-aw naay dugo unya gidugok pa gyod og amigas. Kung akoy paingnon para nako either gipunas sa ari sa bata kay asa man to gikuha ang dugo or gipunas pod sa iyaha (suspek),” matud sa apuhan.
Sa pikas bahin, Matud ni Davao City Police Office head Senior Superintendent Alexander Tagum nga adunay dugang saksi nga usa ka 11 anyos nga bata nga nahinabi usab sa ilang imbestigador.
“Naa tay additional witness nga nakuha from the vicinity of the crime scene usa ka silingan gihapon didto nga bata nga nakakita sa pagkuha sa lalaki sa bata, gitagaan og candy before gidala sa Lasang,” sumala ni Tagum.
Sa interbyu sa RMN Davao kang Tagum kung positibo ba nga na-identify sa batang saksi nga si Rico Jay Labao ang maong lalaki mao kiniy tubag usab ni Tagum.
“Positive Ma’am, mao gyod to,” sumala niini.
Gibutyag ni Tagum nga ila ng gisumite sa Crime Lab ang narekober nga short pants sa menor de edad aron maimbestigahan usab kini.
RadyoMaN Aimee Guinita
