Davao City – Gidawat sa mga kabanay sa pulis kinsa napusilan-patay ang kaugalingon sa Toril PNP ning syudad nga aksidente ang nahitabo niini niadtong adlawng Domingo.
Sa pakighinabi sa DXDC RMN Davao sa usa ka Bing, bayaw sa biktimang si SPO3 Rosebelt Angcon kinsa nadestino sa Toril PNP, wala silay pagduda nga adunay foul play o suicidal ang nahitabo apan hulaton nila ang resulta sa autopsy examination aron masigurong masuta og aduna bay foul play o wala ang kamatayon sa pulis kinsa usab adunay tulo ka mga anak nga nailo.
Sa karon nakahaya ang patay’ng lawas sa biktima sa Brgy. Lizada, Toril ning dakbayan.
Samtang una ng giingon sa Davao City Police Office (DCPO) nga migula sa ilang gihimong parallel investigation nga walay foul play ang kamatayon ni SPO3 Angcon.
Sumala ni DCPO head Senior Supt. Alexander Tagum nga aksidente ang nahitabong pagkapusil sa biktima sa iyang kaugalingon atol sa pagkahagbong sa iyang .45 nga baril.
RadyoMaN Renz Barbarona
