Tatlo ka pilas ang naagum sang 16 anyos nga si Allejah Faye Malificiar Aglibot nga gintunaan sang iya kamatayon matapos ginluthang sang iya step father nga si Jerold Guillermo sang Huwebes sang gab-i sa Buntalan, Maasin.
IUni ang naguwa sa resulta sang autopsy ni Dr. Owen Libaquen, ang medico-legal officer sang PNP crime laboratory.
Suno kay Libaquen nga isa sa alimpuduhan, isa sa dughan kag isa sa nawala nga butkon ang pilas nga naagum sang biktima.
Samtang ginpahayag ni Libaquen nga indi na intact ang hymen sang biktima patimaan nga natandug na ini.
Subong man indi matumod kon ang suspek gid man ang nakatandug sa iya manak bangud madugay na ang healed laceration sa kinatawo sini.
Facebook Comments
