Autopsy sa patay nga eawas ni Jennifer Zaulda igapatigayon

39

Kalibo, Aklan— Sangka mabahoe nga hangkat para sa Aklan Provicial Crime Laboratory kung maka buoe it Spermatozoa sample sa patay nga eawas ni Jennifer Zaulda biktima it pagpatay sa Brgy. Mataphao New Washington.
Sa interview it RMN DYKR Kalibo kay Pssgt. John Rey Montuerto ginpahayag kara nga malisod makabuoe it Spermatozoa specimen sa kinatawo it biktima nga sambilog sa mga indikasyon kung gin-rape ro babaye bangud nababad raya sa tubi.
Gindugang pa kara nga sa oras nga ma expose sa elements ro sangka eawas hay malisdan eon nga makabuoe.
Nasayuran nga nakita ro biktima nga si Jennifer Zaulda nga hubeas sa irigasyon ag owa eon it kabuhi kahapon ag ginapatihan nga ginhimuslan.
Base sa Post Mortem sa bangkay ni Zaulda nag-angkon raya it lastro sa dahi ag gasgas sa butkon nga ginapatihan nga tuga it matig-a nga bagay.
Makaron nga adlaw posibleng ipaidaeum sa Autopsy ro bangkay it biktima para patumod kung ginhimuslan raya ag kung ano ro rason it anang kamatayon.
#TatakRMN

Facebook Comments

From Advertisers