Roxas City, Capiz- Available na sa probinsya sang Capiz ang mas barato nga imported rice.
Ini makaligad nga naka-abot na sang nakaligad nga Hulyo 1, 2018 ang pahauna nga 4,500 ka sako gikan sa 10, 000 sang bugas nga gin-alokar sang NFA para sa probinsya sang Capiz.
Suno kay NFA-Capiz Information Officer Christie Harion ang nasambitan nga bugas ang na-deliver na sa warehouse sa Bolo, Roxas City kag sa banwa sang Dumalag.
Ginpahayag sini dugang nga lauman nga maga-abot anuman nga adlaw subong nga semana ang dugang nga volume sang bugas.
Ginapahayag nga timely ang pag-abot sang nasambitan nga supply bangod ang bulan sang Hulyo amo ang ginakabig nga lean month bangod man nga wala pa sang harvest ang mga olumhan.
Samtang gina-ekspektar nga sarang na nga mabakal sa merkado pinaage sa mga NFA accredited rice retailers sa bilog nga probinsya.
(photo: NFA-Capiz/Jemin B. Guillermo-PIA Capiz)
