Hinde lang na ciudad de Zamboanga el avenida pati el mga calle principal na ciudad de Isabela na Basilan el bajo ahora na agua ulan.
Na tres dias siguiditos de ulan ya pone peligro con el mga residentes del ciudad de Zamboanga particular aquellos ta queda na mga canto de rio y mar pero na ciudad de Isabela el bien affectao el mga establisimiento de negocio.
Mientrastanto, na barangay Ayala na Zamboanga ya destrosa el mga nicho na cementerio despues ya destrosa el storm surge con el sea wall na lugar.
Na coverage del RMN Zamboanga, ya sabe que tiene ya mga nicho el ya sigui na puerte marihada del mar, mientras el riprap na sitio Sto. Niño ya quebra tambien.
El agua na Tumaga river ta esta siempre alto pero base na report del water district as of 10:00AM 75.50 ya lang el level del agua donde mas bajo de .30 desde del alas 7:30 del aga que ya alcansa na 7.80.
