Davao City – Wala giubos sa Philippine National Police Aviation Security Group (PNP-AVSEU) ang seguridad sa Davao International Airport subay sa nahitabong pagpamomba sa bus terminal sa Isulan, Sultan Kudarat.
Atol sa AFP PNP Press Conference gibutyag ni Col Leo Ajero, AVSEU Davao chief, hugot nilang gibantayan ang seguridad aron masegurong walay insidenteng mahitabo.
Sumala niini, nakigkoordinar usab sila sa nagkadaiyang mga intelligence units.
Katambayayong sa AVSEU ang Regional Mobile Force Battalion ug Task Force Davao aron magbantay sa seguridad sa airport.
Nagpasidaan usab si Ajero sa publiko batok bomb joke ug dili gayod sila magpanukong arestuhon ug kasuhan ang mga violators.
Sa datos sa AVSEU, sukad 2022 tulo ka mga pasaherong nagbomb joke ang nadakpan.
RadyoMaN Aimee Guinita
Facebook Comments
