BACOLOD CITY – Nagbaton sang pasidungog ang lima tanan ka mga katapo sang DYHB-RMN Bacolod sa ginpatigayon nga World Radio Day Tingog kag Handurawan Awards Night sa SMX Convention Center kagab-i.
Ang mga taga-DYHB nga ginhatagan sang pasidungog bilang pagkilala sang ila nangin kontribusyon sa radyo amo sanday Radyoman Jemlo Victosa bilang Best Reporter, Elna dela Cruz bilang Best Female Drama talent, Gerard Andrade sa Office Management Administration kag Ranel Bagonoc bilang Best Technician.
Samtang, ang drama naman sang DYHB nga: ‘Ini ang akon Problema’ ang gintagaan ‘Special Citation for Drama’ nag ginbaton ni writer-director Leonora Muzones-Patriarca.
Nangin finalist naman bilang ‘Reporter of the Year’ si Radyoman Yves Montecillo kag Radyoman Serge Santillan para sa ‘Anchorman of the Year’.
Nakuha naman sang ‘Maria Labo’ Drama ang pasidungog bilang ‘Icon of the Year’ kon diin ang iya trophy ang ginbaton ni Rey Alejandrino, anay drama writer sang RMN Drama Center sa diin ang nagdala sang sina nga karakter amu si Ma. Grace Tupas, isa man ka aktibo nga director, writer kag drama artist sang dyHB.
Kadungan sang kahiwatan amo naman ang pagpasumpa ni Bacolod City Mayor Evelio Bing Leonardia sang bag-o nga mga opisyal sang KBP Negros Occidental Chapter.
Si Father Jonas Sumagaysay amo na karon ang bag-o nga Chairman sang KBP, Vice Chairman Clifford Nolido, Secretary Nona Demaala-Magbanua kag Treasurer si Paul Moles. Standards Performance Officer Serafin Plotria kag Edgar Lucasan.
Board of Directors naman sanday Divine Grace Cuello, Gerry Mayordo, Jeony Bigay kag Francis Muñoz, samtang Executive Secretary naman si Joy Pastor./dyHB BACOLOD
