Roxas City, Capiz – Ginpatigayon kahapon nga adlaw ang awarding ceremony sa nagtapos nga Shoot for a Cause nga gin-organisar sang Capiz PPO kapartner ang Capiz Gun Club (CGC).
Sa iya mensahe, gindayaw ni provincial director Police Colonel Julio T Gustilo Jr. ang kooperasyon sang tanan agud nga nangin madinalag-on ang nasambitan nga aktibidad sa diin ginpasakopan sang mga gun enthusiasts kag shooters sa Capiz.
Nahibaluan nga ang mangin kita sang nasambitan nga apat ka adlaw nga shoot for a cause event ang pagagamiton para sa construction sang kitchen kag washing area sang Child Development Center sang CPPO.
Ginasigahom nga sa masunod nga aktibidad, posible nga paga-imbitahon man ang pila ka mga government agencies kaangay sang BFP, BJMP kag iban pa para sa nasambitan nga Shoot for a Cause.
photo(c)- Capiz PPO
