ILOILO – Patay matapos maghikog ang isa ka lalaki sa Brgy Jamabalud, Pototan, Iloilo las 8:40 sang aga, Enero 9.
Base sa imbestigasyon sang Pototan PNP, wala sang foul play sa kamatayon ni Jerry Acanto, 41 anyos sang nasambit nga lugar.
Kaina sang aga, nasapwan na lang ini sang iya bata nga wala na sang kabuhi samtang nagabitay sa balayan nga human sa kawayan.
Gingamit sang biktima ang paha nga ginhigot sa iya liog kag nylon nga naga-angot sa balayan agud utdon ang iya kabuhi.
Antes sini, ginapahayag nga nag-away sila sang iya asawa nga sang nagligad lang nga adlaw nagbalik sa trabaho sa luwas sang pungsod.
Narecover sa crime scene ang cellphone sang biktima sa diin makita ang mga mensahe nga nagapamatuod nga may indi pag-intindihanay nga nagluntad sa tunga nila nga mag-asawa.
Nakita man nga ginsend pa niya ang iya litrato nga may higot sa liog sa iya asawa antes nadayunan sa paghikog.
Photo via Pototan PNP
