Away sa pamilya motibo sa pagpusil sa umagad sa iyang ugangan

Davao City – Nigawas sa imbestigasyon sa Calinan Police Station nga away sa pamilya ang motibo sa nahitabong pagpamusil sa umagad sa iyang ugangang babaye sa Purok Quary, Brgy Megkawayan, Calinan District Davao City alas 7:00 sa gabii niadtong Agosto 1, 2023.

Sa report gikan sa Calinan Police Station, naila ang biktima nga si Brenda Butaya, 52 anyos, samtang ang suspek nailang Jesryl Zabate, 35 anyos, parehong residente sa nasampit nga lugar.

Nahinabi sab sa DXDC News Team si Police Major Ricky Obenza, Station Commander sa Calinan Police Station ug gibutyag niini nga ang asawa sa suspek naa sa abroad nagtrabaho ug ang iyang ugangan maoy nagatiman sa ilang mga anak.

Gidugang ni Obenza,ginapasakitan sa ugangan ang iyang mga apo hinungdan buot kuhaon sa suspek ang iyang mga anak nga resulta sa panaglalis ug gipusil sa suspek ang iyang ugangan igo sa ulo og sa likod nga bahin.

Sa pagkakaron nakarekober na ang biktima ug padayong gipatambalan sa Southern Philippine Medical Center (SPMC).

Daling naglusad og hot pursuit operation ang Calinan Police Station resulta sa pagkasikop sa suspek ug karong adlawa, Agusto 2,2023 ipasaka sa korte ang kasong frustrated murder batok sa suspetsado.

RadyoMaN Don Pulayao