AWOL nga pulis nga drug personality patay, 1 pa pulis pilason sa shooting incident

BACOLOD CITY – Patay ang isa ka (absent without official leave) AWOL nga pulis samtang pilason man ang isa pa ka pulis kag ang iya bata sa natabo nga shooting incident sa Rosario-Yulo St. Brgy. 14, ciudad sang Bacolod sang nagligad nga Sabado sang gab-i.

Ang biktima amo si Police Officer 2 – Federico Nicolas, pomoloyo sang Barangay Alangilan nga AWOL ang status ukon ABSENT without official leave kag naka-assign sadtu sa Bacolod City Police Office – BCPO.

Samtang, napilasan naman kag padayon nga ginabulong sa Bacolod Adventist Medical Center si PO1 Wilmer Bansag, 46 anyos sang Barangay Banago nga naka-assign naman sa Negros Occidental Provincial Police (NOPPO) kag bata sini nga 17 anyus.


Sa imbestigasyon sang Police Station 1, ang mga biktima ang sakay sa Mitsubishi Adventure sang ini sila ginpaarakan luthang sang mga armado nga lalaki.

Ang mga suspek ang naka-bonnet naman kag naga-sakay sa Vios nga puti, wala sang plate number kag may isa pa get-away vehicle.

Ang napatay nga si PO2 Nicholas ang naka-angkon sang pilas sang nagkala-in lain nga bahin sang iya lawas kag sang gin-dala ini sa Corazon Locsin Memorial Regional Hospital, may unod ang iya bulsa sang kapin P5 mil pesos nga cash kag duwa ka dalagku nga putos sang suspected shabu.

Ang crime scene ang malapit man sa eskwelahan sa diin napuhag ang mga residente sa lugar sa tuman ka kusog sang lupok nga ila nabati-an.

Narecover sa lugar sang insidente sang kapin sa 30 ka bala sang calibre 45, 9mm pistol kag armalite.

Ginpahayag naman ni Bacolod City Police Direcro PSSupt. Jack Wanky nga ginakonsedera nila nga high value target si Nicholas sa diin na link ini nga supplier sang shabu sa una nga nagkalakpan sa Bacolod sang nagligad nga bulan.

Si Bansag sa pihak nga bahin ang may pending nga kaso rasun nga ini ang gin-assign sa entrance gate sang NOPPO. /dyHB BACOLOD

Facebook Comments