Awto kontra traysikol, 6 pilason

951

BACOLOD CITY – Matapos nga maka bunggo sa tricycle nga nag samad sang 6 ka mga pasahero, nagbaliskad naman ang isa ka Kia Rio sa atubangan sang Mainstrip Tourist Inn sa dalan Lacson, Barangay Mandalagan.

Natabo ang insidente pasado las dos kaina sang kaagahon, Abril 9.

Padayon sa karon nga ginabulong sa Regional Hospital ang anum nga sakay sang tricycle nga amu sanday Rannie Paledario, drayber, 39 anyos sang Brgy. Bata nga nakaagom sang minor nga injuries.

Pilason man ang asawa nga si Juvy Paledario, 38 anyos sa diin may pilas ini sa ulo kag bali ang tiil.

Samtang, ang 12 anyos nga bata sang mag-asawa ang pilason man upod sanday Ciradel Alcala, 48 anyos sang Zone 4 ciudad sang Talisay, Karen Gendab, 38 anyos kag isa ka 3 anyos nga bata ang nakaagom man sang minor injuries sa ila lawas.

Samtang gindala naman ang drayber sang awto sa isa ka pribado nga ospital diri sa ciudad sang Bacolod.

Facebook Comments