Davao City – Nakaalerto ang Task Force Davao ug Police Regional Office XI sa posibleng himuong retaliation kun pagpanimalos sa New People’s Army human mapatay sa engkwentro ang ilang top leader nga si George Madlos alias “Ka Oris”.
Sa interbyu sa DXDC RMN Davao kang Task Force Davao Commander Col. Darren Comia, preparado ug nakalatag na ang hugot nga seguridad sa dakbayan.
“Dahil nga ini-expect natin na may mga ganoong pangyayari, patuloy nating inaayos ang security measures. Iyong mga gaps na nakikita natin along the way fini-fill in natin ng sa ganoon ma-ensure natin ang safety and security ng Davao City,” matud ni Comia.
Gibutyag niini, wala may direktang hulga apan wala sila magkumpyansa. Nilusad og monitoring ang Task Force Davao gawas ug sulod sa dakbayan.
Samtang, hugot nga gibantayan sa Police Regional Office (PRO) XI ilabina ang mga borders sa Davao Region sa pakig-alayon usab sa Philippine Army.
Gimanduan ni PBgen. Filmore Escobal ang tanang commanders nga mag-alerto batok sa mga pagpangataking himuon sa NPA sa mga government forces ingon man sa sibilyan.
RadyoMaN Aimee Guinita
