Davao City – Hugot nga magbantay ang mga pulis ug sundalo sa mga puroks sa Davao City nga gipailawom karon sa lockdown.
Katambayayong usab niini ang Coastguard ug Navy diha pagpatuman og intensified sea patrol aron mabuyag ang mga taong musupak.
Matud ni Davao City Mayor Sara Duterte adunay igong ihap sa mga security forces nga ipang-deploy sa mga checkpoints.
Nadugang ang Purok Sto. Niño sa Barangay Leon Garcia, Agdao District ug Purok Lipadas sa Barangay Daliao Toril District sa mga mag-lockdown usab kinsa adunay mga positive cases sa coronavirus.
Niadtong Martes, gi-lockdown ang Purok 3, 4, ug 7 sa Brgy 23-C ug Purok 8 sa Barangay 21-C ang gipanglockdown.
Nag-random testing usab ang mga doctors sa mga puroks sumala sa mayor ug gitan-aw kung aduna na bay spread of infection.
Gipasabot sa alkalde nga kini nga mga lugar densely populated kini ug gikinahanglang isirado aron mapugngan ang pagkuyanap sa impeksyon ug walay daghang mataptan.
Walay makasulod ug gawas sa mga gipang-lockdown nga lugar ug dili magamit sa maong mga puroks ng ilahang mga Food and Medicine Pass ug ihatod sa ilaha ang mga rasyon ug konsumo matud ni Mayor Sara.
RadyoMaN Aimee Guinita
