Davao City – Nakaandam ang kapulisan ug kasundaluhan batok sa pagataki sa Special Partisan Unit o SPARU sa New People’s Army.
Gibutyag ni 10th Infantry Division acting Spokesperson Capt. Robert Escalona nga mas gipakusgan pa sa militar ang ilang focused military operation batok sa mga rebelde.
Nagdeploy usab sila’g igong ihap sa mga personahe sa mga far flung barangays aron maprotektahan ang mga katawhan sa mga himuong pagataki sa NPA.
Nakaalerto usab ang kapulisan ug gipahugtan pa ang seguridad sa mga police stations.
Sumala ni Police Regional Office XI Spokesperson PCI Andrea Dela Cerna dili lamang samtang gaduty magamping ang mga police apan kinahanglang magdoble igmat bisan wala na kini sa trabaho.
Niadtong Lunes atol sa turnover ceremony sa 26 ka units sa Mitsubishi Patrol Vehicle ug inagurasyon sa bagong Regional Crime Laboratory Office (RCLO) sa Candelaria St., Ecoland, Davao City, nagpasidaan si Presidente Rodrigo Duterte sa mga PNP ug AFP batok sa hulga sa SPARU UNITS kinsa sila maoy punterya.
RadyoMaN Aimee Guinita
