Matud sa usa ka Luciano Alba nga malipayon siya kay nakita sa administrasyon ang kasamtangang problema sa mga mag-uuma apan sa iyang kaugalingong panglantaw, dili kini sakto tungod sa padayong nagataas nga production costs ug ang kwartang ihatag, dili long-term solution.
Maong sugyot niya nga unta magmugna ang gobyerno og programa kung asa maayo ug hapsay nga magamit ang pundo sa kinatibuk-an aron nga mas mapapaspas ang pagpalambo ug mamintinar ang produksyon sa bugas.
Kini nga komento subay sa balitang giaprubahan na ni Presidente Ferdinand Marcos Jr. ang P12.7 billion nga pundo alang sa financial assistance packages nga iapud-apod ngadto sa mga mag-uuma kinsa mudawat og P5,000 ang matag benepisyaryo.
Tumong sa maong programa nga tabangan ang mga mag-uuma diha sa pagpalambo sa produksyon taliwa sa mga hagit nga ginaatubang karon sa natad sa agrikultura sama sa padayong nagataas nga production cost ug El Nino phenomenon.
RadyoMan Ivy Parido
