Davao City – Preparado na ang mga food packs ug non-food items nga gikatakdang itunol sa Department of Social Welfare and Development XI ngadto sa mga apektado sa flash flood sa Manay,Davao Oriental.
Sa interbyu sa RMN Davao kang Erick Ley Mundiz, Disaster Response Operation Monitoring Information Center Focal Person nga dili muubos sa tulo ka food packs matag pamilya ang itabang ngadto sa mga apektado sa baha.
“As of now we are waiting for the request from the province for augmentation assistance because ang protocol man gud nato is ang first responders ang atoang LGUs,” sumala niini.
Gitataw ni Mundiz nga bisan dili na mag-request ang LGU kung ilahang na-assess nga gikinahanglan na gyod nga ma-deliver ang mga ayuda ilaha kining ihatod sa lugar.
Base sa pinakaulahing tala sa DSWD XI nga mokabat sa 17 ka mga barangays ug 13,000 ka mga pamilya ang apektado sa Manay, Davao Oriental ug 6,954 ang apektado sa Tarragona, Davao Oriental.
Usa ang totally damage ug 15 partially damage nga mga panimalay sa Barangay Central, 3 totally damage sa Barangay Holy Cross, 16 totally damage sa Barangay San Ignacio sa nasangpit nga munisipalidad.
Samtang gibutyag ni Office of the Civil Defense XI Information Officer Leslie Francisco nga sa Brgy. San Ignacio, Manay usa ang patay nga giila nga si Luzviminda Magbutong, 38 anyos, duha ang angol nga sila Adrian Magbutong, 40 anyos ug Rhea Magbutong, 20 anyos.
Duha usab ang missing nga sila Ariane Magbutong, 9 anyos ug Marilyn Maungat, 38 anyos.
RadyoMaN Aimee Guinita
