Davao City – Emergency relief ug pinansyal nga tabang gikan sa lokal nga gobyerno ang gitanyag sa mga pamilyang biktima sa ipo-ipo sa Km. 12, Bolinao Site, Sasa ning dakbayan sa Davao.
Sa interview sa DXDC RMN Davao kang City Social Welfare and Development Office (CSWDO) head Malou Bermudo, gibutyag niini mokabat sa 4 ka pamilya ang apektado.
Sumala ni Bermudo sa initial nga assessment, tulo (3) ang partially damage nga balay ug usa (1) ang totally damage.
“Ang atoang syudad nagahatag gyod kita dili lang material nga hinabang o emergency reliefs naa pud kitay ginahatag nga financial assistance,” matud ni Bermudo.
Segun ni Bermudo, ang house owner sa totally damage makadawat og P10,000 samtang P5,000 sa partially damage ug kung adunay renter hatagan usab kini og ayuda.
RadyoMaN Aimee Guinita
