Davao City – Nakadawat na sa food packs ug financial assistance ang kapin 100 ka pamilya nga apektado sa sunog sa Km. 14, Sunrise Village, Panacan syudad sa Davao kagahapon (August 28, 2020).
Subay niini mihatag usab og cash assistance nga tag- 2,000 mil pesos matag pamilya, food packs ug mga gamit pangkusina si Senador Bong Go sa iyang pagbisita sa mga nasunogan.
Samtang ang Department of Social Welfare and Development (DSWD-XI), mihatag usab og P5,000 cash assistance matag pamilya sa mga biktima sumala ni Estrella Lozada DSWD Officer Head human nahinabi sa DXDC RMN Davao.
Segun ni Lozada, aduna pay mga pamilya ang wala makadawat sa maong hinabang, apan gi-abisohan nga moadto sa ilang buhatan.
Mapasalamaton usab si Brgy. Panacan Kapitan Doce Apostol sa tanang mga mitabang sa mga biktima sa sunog sa iyang Barangay.
RadyoMaN Don Pulayao
