Davao City – Gikonsiderang dakong kalampusan alang sa armadong kusog ang pagbalik sa sabakan sa gobyernbo sa mga kadagkuan sa Pulang Bagani Command 2, New People’s Army (NPA).
Sa interbyu sa RMN Davao kang 3RD IB Batallion Commander LTC Oscar Partuza gibutyag niini nga ang pag-surrender sa kumander sa PBC 2 nga si alyas Bong uban ang iyahang bise kumander nga si alyas Igong nagpahuyang og samot sa ilahang organisasyon.
Matud ni Partuza giatiman nila karon ang ayuda para sa mga kanhi rebelde ilawom sa Enhance Comprehensive Localized Integration Program (E-CLIP) sa gobyerno.
Gisulti ni Partuza aduna nalay pito ka mga aktibong membro karon ang PBC 2 kinsa nitapon karon sa Guerilla Front 53 sa New People’s Army.
Nitahan sa kasundaluhan a si Alyas Bong ug Alyas Igong human sa nahitabong engkwentro tali militar niadtong Marso 22. Gisurrender usab sa duruha ang ilahang mga gikuptang mga armas.
Niadtong Huwebes gipresenta ni Lt. Gen. Felimon T. Santos Jr., Commander sa Eastern Mindanao Command ang duha ka mga ex NPAs ngadto kang Davao City Mayor Inday Sara Duterte-Carpio human sa Change of Command Ceremony sa 1003rd Infantry Brigade at Purok 9, Barangay Mahayag, Bunawan District ning syudad.
RadyoMaN Aimee Guinita
