Davao City – Gibutyag sa Department of Social Welfare and Development Office XI (DSWD XI) nga adunay gitagana ang panggamhanan nga ayuda alang sa mga driver nga apektado sa pagsaka sa presyo sa petrolyo.
Matod ni DSWD XI Regional Director Rhuello Aradanas, mokabat sa Php 5,000 ang ayuda nga gitagana para sa mga driver sa public utility vehicles, lakip na ang mga miyembro sa TODA, taxi drivers, jeepney drivers, ug ang food delivery services drivers.
Matod sa opisyal nga sa dili madugay, adunay ayuda nga mahatag na sa mga driver sa Davao Region pagkahuman sa rollout sa ayuda gikan sa National Capital Region.
Samtang, gikatakda nga makigtagbo si Aradanas sa mga opisyal sa Land Transportation Office XI, Land Transportation Franchising and Regulatory Board XI, ug representante sa Department of Transportation aron hapsay nga mapatuman ang pagtunol sa ayuda.
RadyoMaN Bien Abanos
Facebook Comments
