CAUAYAN CITY — TATLONG KATAO ANG NAHULOG SA BITAG NG PULISYA NITONG DISYEMBRE 02, 2025, MATAPOS MABUNYAG ANG UMANO’Y PAGGAMIT NILA NG ID NG MGA RESIDENTE PARA SA HUWAD NA “AYUDA,” NA NAUUWI PALA SA PAG-APPLY NG HOME CREDIT UPANG MAKAKUHA NG CELLPHONE.
NADISKUBRE NG MGA IMBESTIGADOR NA NILALAPITAN UMANO NG GRUPO ANG KANILANG MGA TARGET AT PINANINIWALAANG MAY IPINAMAMAHAGING TULONG PINANSYAL.
SA PAG-ASANG MAKATANGGAP, IBINIBIGAY NG MGA BIKTIMA ANG KANILANG IDENTIFICATION CARDS NA AGAD NAMANG GINAGAMIT SA PAGPROSESO NG FINANCING BILANG “BORROWER.”
SA CITY OF ILAGAN UNANG NAISAKATUPARAN NG GRUPO ANG TRANSAKSIYON, KUNG SAAN NA-RELEASE ANG ISANG IPHONE NA NAGKAKAHALAGANG P41,590.00 MATAPOS MAAPRUBAHAN ANG APLIKASYON SA PANGALAN NI ALYAS “REY.” DALAWA PANG BIKTIMA ANG SINUBUKAN NILANG ISAMA NGUNIT HINDI PUMASA SA PAGSUSURI NG HOME CREDIT.
HINDI PA NAKUNTENTO, NAGTUNGO PA ANG MGA SUSPEK AT BIKTIMA SA ISANG MALL SA CAUAYAN CITY PARA MULING SUMUBOK NGUNIT NABIGO NA NAMAN ANG APLIKASYON.
HABANG PAUWI, INABUTAN NG MALIIT NA HALAGA ANG MGA BIKTIMA BILANG DIUMANO’Y “PAMPALUBAG-LOOB.” DOON NA NAGDIKIT-DIKIT ANG HINALA AT NAPAGTANTO NILANG POSIBLENG NALOKO SILA.
AGAD NA IPINAABOT NG ISA SA KANILA ANG PANGYAYARI SA KAMAG-ANAK, NA TUMAWAG NAMAN SA SANTIAGO CITY MOBILE FORCE COMPANY.
SA MABILIS NA OPERASYON, NATUNTON AT NADAKIP ANG TATLO. INILIPAT SILA SA POLICE STATION 1, KUNG SAAN INIHAHANDA NA ANG KASONG ESTAFA (SWINDLING) LABAN SA KANILA.
