Sa CCTV footage sulod sa maong establisyemento nakuhaan pa ang panaglalis sa suspek ug sa biktima.
Samtang nagkatinubagay nihulbot na ang suspek og kutsilyong naka-tuck in sa iyahang likod ug giduslak kini ngadto sa liog sa biktima.
Giluok ug gibira sa suspek paingon sa sulod ang biktima nisulay pa kini’g dagan aron masalbar ang iyahang kinabuhi apan gidunggab kini sa makadaghan pang higayon.
Human sa insidente, giingong nagpakamatay ang suspek.
Samtang, dili mapasaylo ug alang sa pamilya sa biktima wala gihapon nila makab-ot ang hustisya bisan pa man namatay usab ang suspek.
Nailo karon ang upat ka mga menor de edad nga mga anak sa namatay nga mag-live in partner.
Narekober sa SOCO sa crime scene ang 6 inches nga kitchen knife ug anaa sa 8 metros nga leveling hose nga maoy giingong gigamit usab sa suspek.
RadyoMaN Aimee Guinita
