Davao City- Selos sumala pa ang motibo sa pagdunggab-patay sa usa ka 25 anyos nga babae human kini giluba sa iyang live-in partner alas 4:00 sa kahaponon sa Campo 5 Barangay Talomo River Calinan siyudad sa Davao.
Subay sa Blotter sa Davao City Police Office (DCPO) ang biktima giila nga mao si Aljean Sotto samtang ang suspetsado mao si Ronie Sabio, 47 anyos pareho nagpuyo sa nasangpit nga lugar.
Sa imbestigasyon sa Calinan PNP, selos ang motibo sa pagdunggab sa biktima ug nasayran nga mi-file usab og kasong paglapas sa RA 9262 kon Violence Against Womens and Children ug RA 7610 si Sotto batok sa iyang live-in partner niadtong Enero 10 karong tuiga apan nakapiyansa si Sabio alang sa iyang temporaryong gawasan apan human sa pagpanunggab, boluntaryong misurrender ra usab sa nasangpit nga police station ang suspek alas 7 sa buntag kagahapon.
Nasayran nga dili madawat sa suspek nga bulagan na usab siya sa babae hinungdan nga nagdulom ang panan-aw niini og mikuha og kutsilyo dayon dunggab dunggab sa biktima ug naigo sa walang dughan.
Ang biktima gidala sa General Robillo Hospital Calinan apan gideklara sa attending Physician nga dead on arrival diin karon gihaya sa St.Peter Funeral Parlor sa Calinan ning syudad sa Davao.
Balhug na ang suspek sa prisohan ug kasong murder ang ipasaka batok kaniya.
RadyoMaN Don Pulayao
