Davao City – Kasamtangang nagpaalim sulod sa Southern Philippines Medical Center ang usa ka dalaga human kulataha ug dunggaba sa iyang kanhi uyab.
Naangkon og bun-og sa kalawasan og samad dinunggaban sa agtang, sa paa ug bagtak ang biktima nga si Claris Maguindanao, 20 anyos, ug nagpuyo Purok 1, Barangay.Mudiang, Bunawan ning dakbayan.
Gikan matud pa sa tulunghaan ang biktima ug dihang mipauli na giatngan kini sa iyang kanhi uyab.
Matud pa makigbalik unta ang suspek sa biktima apan disidido na gyod si Claris nga dili na subli buhion ang nalubong na nilang gugma.
Miulbo sa kasuko ang suspek dihang mibalibad na ang biktima makigbalik kaniya.
Kalit na lamang gibukbok sa suspek si Claris ug wala pa matagbaw giluba pa niya og pila ka higayon ang biktima tumong sa agtang, paa, ug sa bagtak.
Daling gidala sa SPMC ang biktima samtang suspek padayon pang gipangita sa kapulisan.
RadyoMaN Joel Viray
