Iligan City- Patay ang usa ka dalaga human kini giluba sa usa ka menor de edad alas 645 kapin kun kulang ang takna sa sayong kagabhion didto sa purok 14 Canaway sakop sa Barangay Tibanga ning syudad sa Iligan.
Ang biktima nailang si Christine Macalisang 18 anyos, ug lumolopyo sa Poblacion , Bacolod Lanao Del Norte samtang ang suspetsadong menor de edad nga itago lang sa pangalang “Nene “taga Sitio Bolog Tambacan ning dakbayan sa Iligan.
Matud pa sa pakighinabi sa suspetsado nga gisagpa siya ka duha sa maong biktima maong nabuhat niya ang pagbalos gamit ang mahait nga kutsilyo kung asa igo ang dughan sa maong biktima hinungdan sa iyang hinanaling kamatayon.
Gidala pa sa usa sa pribadong tambalanan ang maong biktima apan nakabsan na kini sa iyang kinabuhi.
Sa karon anaa pa sa Police Station 5 ang naasoy nga menor de edad .
