Sa interview sa DXDC RMN Davao kang PSSg. Dennis Retiza, imbestigador sa Compostela Municipal Station (MPS), iyahang giila ang biktima nga si Elizabeth Buenvinida, 56 anyos, co-owner og peryahan nga taga Poblacion, Compostela.
Saysay sa ni Retiza nga dunay event niadtong tungora sa dihang kalit nga giduol ang biktima sa usa ka wala mailhing suspetsado ug kalit nga gipusil, rason nga naigo kini sa iyahang nawong samtang naigo usab sa stray bullet si Reymark Servante, 32 anyos nga taga Barangay Osmeña sa maong munisipalidad.
“Naay women’s night atong tungora didto then naay carnival duol sa gym. Accordingly, ang first victim nga si Ma’am Elizabeth, nanglingkod duol sa sari-sari store then gi-approach siya sa unidentified suspect. Kalit ra daw’g ingon nga “Happy Araw ng San Miguel” then nagpabuto,” saysay ni Retiza.
Dugang sa imbestigador nga personal grudge ang usa sa ilang gitutokang motibo sa pagpusil sa biktima, subay usab sa iyang sumbong sa otoridad.
RadyoMaN Kirby Manzon
