Babae gisumbag ug gisabligan og init tubig

Davao City – Nakaangkon og bun-og ug paso ang usa ka babae human gisumbag ug gisabligan og ininit nga tubig nahitabo sa Purok 5 Sobrecary St. Brgy15-B ning syudad alas 3 sa hapon.

Sa report gikan Sta. Ana PNP, ang biktima gitago sa pangalang alyas Joy samtang ang suspek gitago usab sa pangalan si alyas Oyo kinsa igsuon sa live in partner sa biktima.

Sumala pa nga nagkalalis ang biktima ug suspek sa gamay lang matud pa nga hinungdan niadtong tungora apan wala kuno kabantay ang biktima nga kalit giduol sa suspek dayon gidagmalan hinungdan nabun-og ang agtang ug mikuha pa og ininit nga tubig dayon og sablig hinungdan nga napaso ang lawas sa biktima.


Daling mipatala ka kapulisan ang babae samtang ang maong panghitabo giduso na ngadto sa brgy. level.

RadyoMaN Don Pulayao

Facebook Comments