Davao City – Patay ang usa ka 23 anyos nga babae human nabanga ang iyang gidrayban nga single motorcycle sa laing sakyanan nahitabo didto sa Km 25 Bunawan, Davao City.
Sa report gikan sa blotter sa Bunawan PNP naila ang biktima nga usa ka Charly Mae Aguisando, 23 anyos minyo, residente sa Purok Petchay Gredo Panabo, Davao del Norte.
Sa imbestigasyon sa kapulisan, samtang si Aguisando nagmaneho sa iyang motorsiklo gikan sa North Bound padulong sa South Bound wala kabantay ang biktima nga dunay nagparking nga sakyanan ug iya kining gilikayan apan nabangga kini sa laing sakyanan.
Tungod sa kakusog sa impact nilagpot ang biktima ug nabunal ang iyang lawas.
Gisuwayan pa ug tabang sa 911 ang babae apan sulod sa 15 minutos nabawian sa kinabuhi ang biktima.
Ang patayng lawas sa biktima gidala sa Rivera Funeral Home sa Bunawan samtang ang kapulisan padayon pa naglusad ug dugang imbestigasyon aron masuta kun kinsa ang tag iya sa sakyanan nga nakabangga sa biktima.
RadyoMan Don Pulayao
