Sa interview sa DXDC RMN Davao kang PLtCol. Jerick Filosofo, hepe sa Tagum City Police Station, giila niini ang biktima nga si Jessel Lacheca, 33 anyos, taga Crossing Gabi, Compostela, Davao de Oro.
Samtang, ang driver sa motor mao si Harold Louis Quistoy, 29 anyos ug angkas niini si Ronna Mie Grande, 30 anyos nga pulos residente sa Brgy. Cuambogan, Tagum City.
Sa imbestigasyon, gikan Tagum City ug padulong Brgy. Canocotan ug pag-abot sa lugar, kalit niining nabanggaan ang babae nga mitabok sa pedestrian lane, rason nga nalagpot ang biktima ug nagbaton usab og injury ang driver ug angkas human natumba ang motor.
Makita sa video nga kuha ni Melvz Pov nga wala nakita sa nag-motor ang pedestrian tungod kay natabunan kini sa bus samtang mitabok.
Matud sa PNP official, gitakdang mag-areglo ang duha kampo aron dili na musangpot pa sa kasohay.
RadyoMaN Kirby Manzon
