Babae naghikog patay, lalake nakit-ang wa nay kinabuhi

Davao City-Naghikog patay ang usa ka babae sulod sa ilang pinuy-anan diha sa may Purok 7 Barangay 2-A Magallanes St. ning dakbayan sa Dabaw.

Sa report gikan sa San Pedro PNP, giila ang biktima nga mao si alyas Juna, 24 anyos residente sa nasangpit nga lugar.

Matod pa nadiskobrehan ang patayng lawas sa biktima sa iyang live-in partner nga mao si Floriano Reputaña sulod sa ilang balay nga nagbitay ang patayng lawas sa biktima gamit ang nylon.


Nasayran nga una pa niining panghitabo, ang biktima gikataho nga adunay mental disorder.

Sa pagkakaron anaa na ang patayng lawas sa biktima sa punerarya dinhi sa syudad.

Sa pikas bahin, usa ka patayng lawas sa lalaki ang nakaplagan sulod sa usa ka hotel sa may J. Camus St. Davao City.

Subay sa report gikan sa San Pedro PNP, nakit-an ang patayng lawas sa lalaki alas 9:30 sa kagabhion gahapong adlawa.

Ang lalaki giila nga mao si Michael Ross Serrano, 36 anyos nga trabahante sa usa ka bangko nga nahimutang sa Magallanes ning syudad.

Sumala sa kapulisan, walay nakit-ang foul play sa kamtayon ni Serrano.

Kasamang Don Pulayao

Facebook Comments