Davao City – Muabot sa P1.2M kantidad sa shabu ang nakuha sa usa ka babae atol sa buybust operation sulod sa usa ka mall sa Bajada, Davao City kagahapong adlawa, Enero 29, 2020.
Nanguna sa operasyon si PMaj. Noel Villahermosa, Station Commander sa Bunawan PNP diin giila niini ang suspek nga si Linda Ledres alias Maymay, 50-anyos, single, residente sa Purok Santol, La Filipina, Tagum City, Davao del Norte.
Atol sa operasyon, nakuha sa suspek ang 16 ka sachet sa shabu o mutimbang og 75 gramos kantidad P1.2M.
Kasong paglapas sa Republic Act (RA) 9165 Section 11 ug 12 ang atubangon sa dinakpan.
RadyoMaN Kirby Manzon
Facebook Comments
