Sa report gikan sa Davao City Police Office DCPO, giila ang biktima nga si Emelyn Melod, 25 anyos samtang ang suspek nga si Jason Logroño Lauriano, 22 anyos construction worker parehong residente sa nasampit nga lugar.
Inisyal nga imbestigasyon sa kapulisan nasayran nga alas 10:00 sa gabii samtang ang suspek niabot sa ilang pinuy-anan ubos sa impluwensya sa ilimnong makahubog, ang biktima nga iyang live-in partner nangayo og kwarta para pampalit og gatas sa ilang anak apan nasuko hinuon ang suspek, mikuha og gunting ug sa way igong rason, gidunggab ang likod nga bahin sa liog sa biktima.
Nangayog tabang ang biktima hinungdan nga daling miresponde ang mga pulis ug gidala dayon sa Southern Philippine Medical Center (SPMC) aron matambalan.
Ang suspetsado daling nasikop sa otoridad ug nakuha sa iyang posisyon ang gunting nga gigamit sa pagdunggab sa biktima.
Anaa na kini sa kustodiya ug giandam na sab sa kapulisan ang kasong Attempted Homicide batok sa suspetsado.
RadyoMaN Don Pulayao
