Gipangita na karon sa kapulisan ang usa ka lalaking suspetsado sa pagpatay sa ka live in niini niadtong Huebes, Hunyo 7, 2018.
Una niini , niadtong Sabado, midangop sa kapulisan ang half sister sa biktimang si Melul Simbajon y Tayrus, 32 anyos ug taga Sampagar , Damulog, Bukidnon human nga napalgan ang patayng lawas niini nga anaa sa state of decompostion nga giputos ug habol ug gisulod kini sa cabinet sa giabangan niini nga balay sa Mariano Badelles Street corner De Leon Street sakop sa Barangay Poblacion ning syudad sa Iligan. alas 6:30 ang takna sa kagabihion.
Matud pa, wala na kini makit-e sukad niadtong petsa syete ning bulan sa Hunyo ug wala na usab kini mosulod sa iyang trabaho isip usa ka Marketing Manager sa usa ka establisemento sa Quezon Avenue Extension sakop sa Barangay Pala-o.
Naka angkon ug tulo ka samad dinunggaban ang maong biktima- usa sa sentro sa iyang dughan, usa usab sa iyang walang li-og, ug usa sa iyang likod hinungdan sa iyang kamatayon diin gigamit sa suspek sa paghunos sa kinabuhi ang usa ka kitchen Knife nga dunay 12 pulgadas ang gitas-on.
Matud pa sa laing nag abang sa maong apartment nga si ReyMark Oran nga iya pang nakit-an nga naglalis kining suspek nga nailang si Jeffrey Ravidas, ug biktima apan wala lang niya kini panumbalinga.
Base sa CCTV nga nakuha, dali kining migawas ang suspek gikan sa giabangan nga apartment bitbit ang 5 anyos nga ilang anak paingon sa wala matino nga direksyon ug mao kini ang padayong giimbestigahan sa kapulisan kung asa namipadulong ang maong lalaki.
Samtang padayon usab ang imbestigasyon sa kapulisan kung unsay hinungdan sa pagpatay sa maong suspetsado ngadto sa iyang ka live-in.
