Davao City – Giangkon sa usa ka babae nga nangayo siya og kwarta sa usa ka ginang tungod kay nagsegi og pagpangdaut kaniya nga giilang alias Carla.
Sa interview sa DXDC RMN Davao, gibutyag ni Charlene Ramiro nga si Carla maoy nagsige og pangdaut kaniya ug dili siya base sa reklamong gipadangat ni Carla sa kapolisan sa San Pedro.
Gihimakak ni Charlene nga duna silay relasyon sa lalaki nga gikauban karon ni Carla.
Una niini gireklamo sa kapolisan sa San Pedro Police Station si Charlene nga nangilkil kang Carla og kwarta nga kantidad 10,000 ka pesos, bugti sa dili pagbulgar nga si Carla kabit sa lalaki nga iyang gikauban karon. Si Charlene, gidakop sa operatiba sa San Pedro Police Station sa gihimong entrapment operation sa usa ka coffee shop sa syudad sa Davao.
RadyoMaN Don Pulayao
