Patay ang usa ka babae human gitigbas sa iyang ka relasyon alas 8:30 kapin kun kulang ang takna kagabie sa may Talipapa, Barangay Tubod ning syudad sa Iligan.
Biktima nailang si Heide Yahot, 50 anyos, separated, adunay tulo ka mga anak, usa ka helper ug molupyo sa Barangay Tomas Cabili.
Sumala pa sa igsuon ni Hiedi nga si Cristito Villa Sr., nga adunay panaglalis ang biktima ingon man ang suspek nga nailang si Janodin Nagamura alyas Mamao, hingkod ang panuigon, usa ka habal habal driver.
Taliwala sa ilang panaglalis, kalit lang matud pa kining gitigbas sa maong suspek gamit ang usa ka sundang ug gigulgol pa ang li-og niini ug gibundakan pa ug bato ang ulo sa biktima.
Daling gidala sa City Hospital ang biktima apan nakabsan kini sa iyang hinulamang kinabuhi.
Ang suspek pabiling gawasnon karong panahona.
