Patay ang usa ka babae human kini mabangga-an sa usa ka sakyanan alas 8:14 ang takna kagahapon sa buntag sa may Andres Bonifacio Avenue, Brgy. Sto Rosario ning dakbayan sa Iligan.
Sa initial nga imbestigasyon, naila ang biktima nga si Vivian Recaplaza Alcantara, 47 anyos minyo, taga Purok 6-B Tambo Hinaplanon ning syudad sa Iligan.
Matud pa, nga samtang patabok ang maong biktima sa nahisgutan nga lugar, aksidente kining nabangga-an sa usa ka Toyota jeepney nga dunay plaka numero KUY-223 nga gimaneho sa usa ka Julito Gabin, 49 anyos minyo ug residente sa Purok 7 Upper Hinaplanon ning dakbayan sa Iligan.
Sa kakusog sa impact sa maong pagbangga, nabunal ang biktima sa karsada hinungdan nga naka angkon kini ug grabeng kadaot sa iyang kalawasan.
Gidala kini sa balay tambalanan apan nakabsan kini sa iyang hinulamang kinabuhi alas 8:55 ang takna sa buntag.
Ang driver daling nasikop sa kapulisan ug tingkagol karon sa Police Station 1 kung asa mag atubang kini ug kasong reckless impudence resulting to homicide.
