Davao City – Patay atol sa 30 minutos nga engkwentro tali armadong kusog sa Davao de Oro niadtong Disyembre 24, bisperas sa Pasko ang Central Committee member sa Communist Party of the Philippines ug Secretary of the Regional White Area Committee ilawom sa Southern Mindanao Regional Committee (SMRC) si Anna Sandra Reyes alias KAYE.
Sumala sa 10th Infantry Division, ang maong miyembro sa NPA adunay mga kasong two attempted murder ug murder sa regional court sa Davao City.
Si Alias KAYE lakip sa 35 nga sakop sa elected Central Committee ug usa sa mga facilitators sa distribution of ballots ug accounting sa eleksyon nga gihimo sa central committee, POLITBURO ug Executive Committee uban sa namatay nga si Julius Giron Alias NARS, Benito Tiamzon ug Wilma Tiamzon sa Samar niadtong 2016.
Gipanganti ni 10th Infantry Division Commander MGen Ernesto C Torres Jr nga padayong hugot nga magbantay ang militar batok sa nahibilin pang mga sakop sa NPA human sa ika-53 nga anibersaryo sa CPP.
“The 10th Infantry Division will continue to safeguard communities in its area of responsibility against the remaining remnants of SMRC in Southern Mindanao. Agila Troopers will continue to hit the ground running to pursue Communist NPA Terrorists disrupting peace gains in the area,” segun ni Torres Jr.
Narekober sa AFP human sa maong combat operation ang nagkadaiyang high powered firearms, assorted medical paraphernalia ug mga medisina.
RadyoMaN Aimee Guinita
