Depression gumikan sa iyang sakit ang rason sa paghikog patay sa usa ka babae niadtong adlawng Sabado diha sa ilang pinuy-anan sa Purok 6 Barangay Palao ning dakbayan.
Ang biktima nailang si Jocelyn Guingoni, 47 anyos, usa ka ladyguard sa Port Area ning syudad sa Iligan.
Matud pa sa kalive-in niini nga si Reggie Tadeo, usa usab ka gwardya nga pag uli niini gikan sa iyang trabaho, iya na lang nadiskubrehan nga wala nay kinabuhi ang maong biktima human kini naghikog pinaagi sa paghigot ug pisi sa iyang li-og.
Gumikan matud pa sa sakit nga stroke, maong nakahuna-huna ang maong babae nga hunosan ang iyang kaugalingong kinabuhi.
Nasayran nga na stroke ang maong biktima niadtong Abril 9 ug wala na kini makabalik pa sa iyang trabaho.
| | Virus-free. www.avast.com |
