Davao City – Sikop ang gi-surveillance sa Philippine Drug Enforcement Agency Regional Office XI Davao Oriental Provincial Office sulod sa usa ka bulan nga 25 anyos nga babae atol sa buybust operation alas 2:40 sa hapon adlawng Huwebes sa may Purok Fairview, Riverside, Barangay Central, Mati City, Davao Oriental.
Giila ang suspek nga si Jenny Mae Cotamco kinsa napalitan og usa ka gamayng pakete sa giingong shabu samtang ang ka-live-in niining si Gelbert Magbutong daling nisibat human makamatikod nga awtoridad ang ilahang ka-transact.
Atol usab sa entrapment operation arestado ang ‘sumer’ o nagpalit usab og droga sa maong mga suspetsado nga si Eduardo De Ocampo.
Nakuha sa mga operatiba sa mga dinakpan ang buy bust money, usa pa ka gamayng pakete sa shabu, drug paraphernalias ug XRM Honda nga motorsiklo nga ginagamit sa mga suspek sa ilahang mga drug activities.
Kasong may paglapas sa RA 9165 ang gipasang-at sa mga suspetsado ug priso na kini karon sa detention facility sa PDEA XI.
RadyoMaN Aimee Guinita
