Halatang hindi na nag-atubiling umaksyon ang isang 28-anyos na babae nang saklolohan niya ang magkakamag-anak na nalulunod sa dagat sa Cornwall, UK noong Martes.
Wala kasing suot na pang-itaas ang kinilalang si Jessica Layton nang sagipin niya ang dalawang magkapatid na babae at isang pinsan ng mga ito, ayon sa ulat ng Cornwall Live, Miyerkules.
“I was topless in the sea when I saw two young women struggling to swim near rocks. Another member of the family ran in to help them and she started struggling, too,” kuwento ni Layton.
Sa kabila ng kawalan ng training sa pagiging lifeguard, sinikap niyang languyin ang Pedn Vounder na kilala sa malalakas na hampas ng alon, upang mailigtas ang tatlo.
“I was going to tell them to float, which is the best thing you can do in a rip current, but they were panicking so much it wouldn’t have worked,” paliwanag niya.
“They were all holding hands, so I grabbed one of their hands and pulled them all on to the beach,” dagdag niya.
Laking pasasalamat naman ng pamilya sa kabayanihan ni Layton.
“It’s lucky I was there — it’s really weird thinking it happened, I can’t quite grasp it,” aniya.
Umani ng papuri–at panunukso si Layton dahil sa kawalan niya nang saplot sa insidente.
Ika nga ng isa niyang kaibigan, “Not all heroes wear capes, some of them don’t even wear bikini tops.”
