Manila, Philippines – Nagbabala ang Food and Drug Administration (FDA) sa publiko laban sa pagbili at pagkonsumo ng hindi rehistradong food products.
Kabilang na dito ang mga sumusunog:
MORRIS Milk Chips Butter Crunch Cookies
MORRIS Lemon Butter Lemon Sandwich
MORRIS Orange Butter Orange Sandwich
MORRIS Cream Crackers
MORRIS Sugar Crackers
Base sa isinagawang post-marketing surveillance ng FDA lumalabas na ang mga nabanggit na pagkain ay hindi rehistrado at hindi rin nabigyan ng Certificate of Product Registration.
At dahil hindi rehistrado, hindi matiyak ng ahensya ang kaligtasan at kalidad ng nasabing produkto posible din ayon sa FDA na magdulot ng health problems sa sinumang makakakain nito.
Alinsunod sa Republic Act No. 9711 o “Food and Drug Administration Act of 2009” ang pag-manufacture, importation, exportation, sale at distribution ng mga unregistered products ay mahigpit na ipinagbabawal ng ahensya.
