GENERAL SANTOS CITY – Nangayog tabang sa kapolisan ang dalaga tungod nahimo kining biktima og gang rape kung asa suspek ang iyang uyab og barkada sa iyang hinigugma sa Barangay Tambler.
Gitago lang sa pangalang Girlie ang babaye hingkod ang panuigon og nagpuyo sa maong barangay.
Subay sa reklamo sa biktima sa WCPD sa Police Station 5, alas 2:00 sa kaadlawon sa nakalabayng adlaw dihang nahitabo ang insidenti.
Nag-uban matud pa kini ug inum sa iyang uyab ug sa mga barkada niini, apan dihang nangahubog didto na kini gihilabtan sa iyang uyab sa lugar hain sila nag-inum.
Human nakighilawas kaniya ang iyang uyab, siya gipapuli-pulihan ngadto sa tulo ka ka mga amigo sa iyang uyab.
Wala syay mahimo tungod hilabihan niya ka hubog niadtong tungura.
Tungod niini midangop sa kapulisan ang biktima aron nga isumbong ang gihimo kaniya sa iyang uyab ug sa lain pang mga suspetsado.
Sa karon nagpadayon ang gihimong imbistigasyon kalabutan sa maong insidenti.
For more info’s and updates, like and share our official facebook account : www.facebook.com/ifm91.9Gensanofficial/
